ده اول Review لمنتجات الميك اب بتاعتى ويارب يعجبكوا

ده اول Review لمنتجات الميك اب بتاعتى ويارب يعجبكوا

هكتب اسم كل منتج وسعره وتقييمي ليه عشان اللى حابه تشتري حاجة تبقى عندها فكرة عنه

اى استفسار انا في الخدمة اصل انا مدمنة ميك اب وجربت انواع ملهاش اخر 
نبدأ بالروج عشان ده ادماني

1- NYX Matte lipstick

الروج ده مط وفي نفس الوقت مش بينشف الشفايف بالعكس طرى جدا ومع ذلك ثاااابت وبيقعد معايا بالساعات سعره كان 65
تقييمي 10/10

و ده swatch للالوان

اللى فوق درجه shocking pink فوشيا فاقع
واللى تحته درجة Tea rose بنى على موفيه

2- Gabrini lipstick

من جابريني الوانه حلوة بس محبتهوش اوى لانه خامته مش حلوة اوى وبيثبت بس مش كتير كان ب 20
تقييمي 7/10

swatches بترتيبهم من فوق لتحت

بطيخي - سيمون - احمر

3- Maybelline color sensational

من مايبللين طبعا معروفه .. الوانه حلوة اوى وترطيبها عالى بس حسيته مش بيثبت مع انه كان غالي اوى معرفش على ايه كان ب 55 .. ورغم كده شفت واحد بيبيعه قالى بيثبت اوى تقييمي 7/10

Swatches

اللي فوق اسمها coral carnation
اللى تحت pink freeze

4- Wet &Wild megalast lip cover

روج من براند اسمها ويت اند وايلد ثااااابت ثباااات رهيب خرجت مره بيه اعد معايا 5 ساعات متواصلين ..الوانه واضحه جدا .. عيبه الوحيد انه بينشف شويه بس على اخر اليوم وسعره ممتاز بالنسبه لمميزاته .. كان ب 40 وساعات الاقيه ب 35 .. تقييمي 9/10

Swatches

اللي فوق درجه stoplight red
اللى تحت smokin' hot pink

5- ليب ستيك سائل من براند اسمها korres

جميل جدا وبيرطب الشفايف لانه مكوناته طبيعيه ومرطبه والوانه روعه عالحقيقه
ده كان set على بعضه ال 3 مع بعض ب 75 جنيه من موقع strawberry .. تقييمي 9/10

Swatches

اللى فوق ده احمر فراولة واللى تحته بصلي والاخير بتنجانى محمر

6- lipstick من L.A girl

لونه هادى ورقيق وملمسه ناعم اوى بس مش بيثبت كفايه .. كان ب 30 .. تقييمي 7/10

Swatch .. لونه بيج او كافيه

7- Giordani lip gloss

من جيورداني اوريفليم كان ب 25 رقيق وهادى وبتحطيه بيندمج مع الشفايف بعد دقايق بس هو يليق للسمر اكتر
تقييمي 8/10

8-- Elf studio glitter gloss

ليب جلوس من Elf حبيبة الملايين ملوش حلللل .. مليان جليتور وطبعا بيتحط بالليل وبينوووور في الشفايف .. كان ب 45 .. تقييمي 10/10

نيجي للكونسيلر والفاونديشن 

1- Elf complete coverage concealer

دي علبه كونسيلر من elf فيها 4 درجات مختلفه لاخفاء الهالات والغمقان في اى منطقه من الوجه.. جميله جدا بس بتحتاج تتثبت ببودر تبقى افضل للناس اللى بتعرق كتير .. كانت ب 45
تقييمي 9/10

2- Elf cover everything concealer
كونسيلر من elf للوش كله وممكن تستخدميه فاونديشن .. الدرجه اللى جبتها بتفتح تحت العيون جدا بتبقى حلوة اكتر مع اللى بيحطوا مكياج تقيل او غامق .. عيبه انه لو وشك نشف بيتراكم في المنطقة الجافه جدا .. يعني يفضل لاصحاب البشرة الدهنيه .. كان ب 30
تقييمي 7/10

3- فاونديشن من اوريفليم بالاوكسجين .. خفيف عالبشرة جدا وينفع الصبح وبيخلى الوش يتنفس بس مشكلته مش بيثبت

.. كان ب 30 .. تقييمي 9/10

4- فاونديشن من لوريال تروماتش ملوش حل رااائع خفيف جدا عالبشرة ويتحط الصبح وبيثبت من غير بودر وبيقعد معاكى كمان فترة طويله كان ب 60 بس هو اصلا ب 100 .. تقييمي 100/10

5- BB Cream

اللى عالشمال من غارنييه كان ب 45 .. واللى عاليمين من Revlon ماركة امريكيه كان ب 80
الاتنين حلوين مع ان في ناس كتير اجمعت ان بتاع غارنييه بيغمق بس هو عاجبنى ومش بيغمقنى وتقييمي ليه 8/10
اما Revlon برضه جميل جدا ومش بيدهنن الوش وتقييمي ليه 10/10

اللى فوق revlon
اللى تحت غارنييه

6- كونسيلر من elmay ماركة امريكيه

حلو جدا ومش بيدهنن ولا بينشف الوش بصراحه ممتاز .. واحلى واغرب حاجه فيه انه لما بتحطى منه تلاقيه ابيض ولما يتفرد عالوش يقلب لون الوش 
كان ب 25 في الsale .. تقييمي 10/10

ده eyeliner من elf رهييييييب .. ثباااته فظيع مجرد ترسمي بيه وتسيبيه دقيقه ينشف ميطلعش ابدااا الا بمزيل المكياج وبييجي معاه فرشته.. تقييمي 10/10 .. كان ب 45

بودر من Mac كانت ب 60 في ال sale جمييييله جدا ولون الوش ممكن تتحط لوحدها بتخفى العيوب وبتدى نفس لون البشرة ..هما 3 بودر .. 2 فوق وواحده سواريه تحت فيها برونز .. ومعاها الاسفنجه بتاعتها .. تقييمي 100/10

eyeshadow من elf حلو ولونه واضح وهو بلمعه مش مط ..عيبه انه بيتمسح بسهوله جدا .. كان هديه بس هو بيعمل حوالى 30 جنيه .. تقييمي 6/10

اخر حـــاجــة البلاشــر

اللى عاليمين من elf هو ملمع خدود وعيون وشفايف بس انا بستخدمه لخدودى كان ب 30 راااائع بينور الوش لو مجهد وينفع الصبح وبالليل .. تقييمي 100/10

الاتنين اللى جنبه من elf HD blush
ملهوش حل ومحدش اختلف عليه وصحابي كلهم طلبوا منه
بلاشر بيثبت ثباااات رهيب وبيفضل معاكى طول اليوم ودى طبعا مشكلتنا مع البلاشر انه مش بيثبت ابدا .. الوانه واضحه ونقطه منه تكفي كتييير وبينور الوش جدااا غير اى بلاشر بودره
تقييمي 1000/10 كان ب 45

swatches

بلاشر كرات اللؤلؤ من اوريفليم درجات البينك مع الدهبي جمييييله اوى وبتدى لوك برونزى هادى كانت ب 55 .. تقييمي 10/10

كــده انـــا خلصـــت يـا حلــويـــن

الكلمات المفتاحية :

• Twitter
• Facebook
• Whatsapp
• Tumblr
• Pinterest

مواضيع ذات صلة