مبقاش عندي هالات نهائي

مبقاش عندي هالات نهائي

عملت حاجه ونفعت معايا ولو مقولتهاش لساني هيتشل😂اولا انا تحت عيني اسود من ابتدائي ودلوقتي بقيت اد البغله ف جامعه وجربت كميه كريمات وحاجات مش طبيعيه انها تفتح لا يمكن ف استسلمت للواقع المرير لان دكتور قالي تقريبا دي وراثه وستاخه تروح نهائي

قوم ايه بقي جيب خياره من اسبوع كده وعملتها شرايح رفيعه بقشاره البطاطس وحطيتها ف الفريز وكل يوم اصحي اغسل وشي وحطها تحت عيني ساعه اتنين وعادي بلعب ف الفون منا فاضيه بقي وبالليل نفسي النظام وساعات بيروح عليه نومه وصحي الاقيها لازقه لسه تحت عيني وناشفه😂😂ومش بغسل تحت عيني بعد مبشلها

ومن موقعي هذا ااكد لكم اني مبقاش عندي هالات نهائي 

 

بعمل مسكات بتساعدني ع التفتيح وشي حرفياً مبقاش فيه حبوب ولا بقع ولا غمقان ولا هالات قولو مشاء الله

المسكات انا بشرتي دهنيه مشاء الله سمنه ف وشي ومشيت مع كذا دكتور ومحصلش اي حاجه وكنت بجيب علاج ف الاسبوع ب١٠٠٠جنيه ومشيت سنه ومحصلش حاجه ف تعبت قررت ابدا بنفسي اول حاجه جبت صابونه نابولسي شاهين ومشت اوي مع بشرتي ب ٥جنيه من عند العطار

وبعدين بقيت اعمل حمام بخار كل شهر ف البيت وحط ف الميه قرفه وشرايح لمون لمده ربع ساعه وبعدين انشف وجيب ابره البثور وشيل الدهون وبعدين اعمل اسكراب معلقه بن ساده ومعلقه لبن وربع معلقه عسل ابيض ونص لمونه ودعك كويس لحد مينشف وسيبه ع وشي عشر دقايق كمان وغسله

الماسك الثانى 

تاني حاجه اعمل مسك تحف ي بنات معلقه بن ومعلقه زبادي وبيضه كامله كلها وحطه لحد مينشف وغسل

تالت مسك 

 بعمل خياره ف الخلاط مع شويا ميه ورد وبعدين اصفيه ودوب فيه معلقه نشا وحطه ع النار مع التقليب وسيبه لحد ميبرد وحطه وبعدين اغسله وفتح حبايه ڤتامينcع وشي مع عمل مساج ونام وصحي امشي تلج ع وشي ده كل شهر بس

وبعمل اسكراب القهوه ومعاه اي مسك من اللي قولتهم دول مرتين ف الاسبوع ف مسك حلو اوي ل تفتيح حبايه اسبرين الازرق ده ع معلقتين زبادي اطحنو الاسبرين الاول ده عادي يتحط كل يوم الحاجات دي بالنسبه للحبوب والمسام والواسعه وتقشير البشره اما بقي تقشيره البقع بستخدم الكريم ده ب ١١ ج بيحط ١٤يوم بس بيتحط ع بشره نضيفه ربع ساعه بس ف الضلمه وبعدين يتغسل ويترطب بعده باي كريم مرطب عندك وبلاش تطلعي بالنهار طول منتي بتقشري وشك

حابة انقل تجربتي مع الحبوب واثارها وازاى قدرت اتخلص منها نهائيا

              حابة انقل تجربتي مع الحبوب واثارها

"انا الموضوع بدأ معايا من زمان اعدادي وانا في الدوامه دي لحد من سنه تقريبا "

لان انا الموضوع دا بالنسبالي كان مشكله كبيرة الحقيقة و مكنش عندي ثقة في نفسي خالص + الناس كان كلامهم بطريقة غير مباشرة بيضايقني و بيحسسني اني مهمله مع اني كنت بروح لدكاتره كتير و في منطقتي وبره المنطقه وولفيت من الجيزة ل مدينه نصر للدقي للمعادي يعني مخلتش تقريباً دكتور في القاهره مرحتلوش 😂 وأخرج من عنده واجيب علاج بالهبل وكل مره ميقلش عن ٤٠٠ أو ٥٠٠ جنيه دا غير الكشف ومكنش بيعملي اي حاجه ومعظمها مضادات حيوية و كريمات تقشير وكريمات للحبوب

من سنه بالظبط كنت مع ماما عند عطار كبير وموثوق منه عندنا شوفت صابونه_نابلسي_شاهين اللي بزيت الزيتون دي وانا كان الغسول بتاعي خلص ف قررت اشتريها و اجربها بجمله اللي جربته يعني و بصراحه كان من حسن حظي اني جربتها .. و كان عندي ليسيون كدا كان من العلاج اللي موجود عندي اسمه اكنيمايسين و الاتنين تحفه بصراحه مع بعض الحبوب خفت خالص ولما بغسل وشي بالصابونه كان بيبقي ناعم و فتح عن الأول وطلعتلي الحبوب اللي كانت تحت الجلد ومش بتنشف وشي نهائي *انا كان من كتر العلاج وشي نشف اتحول من دهنيه لمختطله* و الليسيون كمان تحفه و الحبوب راحت خالص كنت بحطه ع الحبوب نفسها مش ع وشي كله كان بينشفها و بيخليها تروح من غير ما تسبب اثر .. الحاجات سعرها بسيط جدا وفعلا صدقت مقوله مش كل حاجه غاليه كويسه ومش كل حاجه رخيصه وحشه ،، حسيت ب أن الحبوب بتخف من اول اسبوع اقسم بالله انتظمت شهر و لقيت كل الحبوب راحت و مفيش حبوب بتطلع وكلها .. 

طريقة الاستخدام 

الاستخدام كان كالاتي بغسل وشي مره الصبح و مره بليل قبل النوم بالصابونه ولو خرجت يبقي بعد ما ارجع اغسل وشي و بحط الليسيون او المحلول دا بعد ما بغسل وشي ودا اللي مكتوب أنه مرتين في اليوم بس انا كنت بحط اكتر من كدا كل ما اتوضي مثلا احط منه لحد ما الحمدلله الحبوب خفت .. دلوقتي بقي برضه بغسل وشي بالصابونه مرتين أو تلاته لكن المحلول دا مرتين بعد ما بغسل وشي وخلاص و لما بتطلعي حبايه ومثلا عندي حاجه مهمه أو فرح بحط فيودسيدين كريم قبل ما انام مع الليسيون دا و تاني يوم بلاقيها راحت ..
وعلشان وشي ميتعودش ع الليسيون دا ببدل بينه وبين واحد كمان اسمه كيلنداسول دا برضه شغال وسعره برضه مش معدي ال ١٠ ج ..

قناع الموز لمقاومة التجاعيد

قناع الموز لمقاومة التجاعيد

الموز من الفواكه الغنية بالفيتامينات مما يجعله من أفضل الاغذيه لصحة البشرة والشعر ويستخدم

عصيره كدهان لليدين فيكسبها النعومة والحيوية

المكونات :

- ثمره موز واحده

- 2- 3 ملاعق كبيرة حليب .

الطريقة الاستعمال :

تهرس ثمره الموز وتخلط مع الحليب ثم توزع على البشرة مع التركيز على أماكن

التجاعيد ويترك لمده 15 دقيقه ثم يشطف بالماء الفاتر .

قناع الشعير للبشرة المجهدة

قناع الشعير للبشرة المجهدة

المكونات :

- 2 ملعقة كبيرة من الشعيرالمطحون .

- 2 ملعقة صغيرة من مفروم أورق النعناع الطازج .

- 2 ملعقة كبيرة من عسل النحل .

- 2-3 ملعقة كبيرة من الحليب .

الطريقة والاستعمال :

يقلب الشعير والعسل مع النعناع باستخدام الشوكة ثم يضاف الحليب للخليط لصنع عجينة لينة متماسكة ويوضع القناع على البشرة لمده ثلاثين دقيقه ثم يشطف الوجه بالماء البارد ،هذا القناع يفيد المراة التى تتعرض للإجهاد ومشقة العمل ، حيث يعمل على تنشيط الدورة الموية بالبشرة .

طريقة حمام بخار الوجه

طريقة حمام بخار الوجه

1- ربط الشعر إلى الخلف .

2- تنظيف البشرة من أثار المكياج بالحليب الخاص للتنظيف .

3- التنظيف بطريقة صحيحة ودائرية ويشمل تنظيف الرقبة .

4- يشطف الوجه بالماء .

5- ضعي وجهك في جهازالبخار لفتح المسام لمدة عشر دقائق مع وضع فوطة فوق الرأس حتى تستفيدي من البخار قدر المستطاع .

6- اشطفي الوجه بسرعة وهو حار بماء بارد جداً لغلق المسام.

7- ضعي قناع ماسك على الوجه مناسب لمدة عشر دقائق .

8- تنظيف الوجه بالماء وتركة بدون مرطب لمدة ساعة بعد ذلك ضعي المرطب الخاص بك .

ماسك لنضارة البشره

ماسك لنضارة البشره

المكونات :
2ملعقة صغيرة زبادى .
2ملعقة عصير برتقال .
1ملعقه زيت لوز .
الطريقة :
تضاف جميع المكونات لبعضها وتخلط جيدا .
الاستعمال :

يوضع على الوجه ويترك حتى يجف ثم يغسل بالماء الفاتر ؛ ( يصلح لجميع أنواع البشرة )

عجينة اللوز لتبييض البشرة والتخلص من البقع

عجينة اللوز لتبييض البشرة والتخلص من البقع

المكونات :

- 3حبات لوز.
- بيضة واحدة.
- 1ملعقة صغيرة من عصير الليمون.

التحضير والاستعمال :

يقشر اللوز وينقع فى الماء ثم يطحن لصنع عجينة ويضاف للعجينة عصير الليمون بعد خلطه ببياض البيضة ؛ توضع طبقة من العجينة على مكان البقع؛ ثم يشطف بعد 15 دقيقة بماء فاتر ثم ماء بارد ؛ يكرر ذلك يوميا.

وصفة مضمونة لتفتيح الابط يا بنات

وصفة مضمونة لتفتيح الابط يا بنات

مكونات بسيطه جدا و موجوده في اي بيت

 الكركم 

النشا

بيكنج باودر

ليمون

الاستخدام :

 اول حاجه هنعملها هنجيب طبق في البيكنج باودر ونجيب ليمونه كبيرة علشان نقدر نتحكم فيها كويس هنقطع من الليمونه حتة الليمونة هنغمسها فى البيكنج باودر و نصر من الليمون حاجه بسيطه على البيكنج باودر وبعدين ناخد الليمون و نعمل حركات دائريه على المنطقة ..... بعدين نغسل المنطقه دي كويس 

ثاني حاجه هنجيب طبق فيه الكركم والنشا ونخلطهم مع بعض و ناخد نفس الليمونه اللي كان فيها بقايا البيكنج باودر و هنعصرها كلها على النشا والكركم وبرده نحطها على المنطقه ونغسل بعدها 

ملحوظة : علشان الوصفه دي تنجح لازم نعملها مرتين ثلاثه في الاسبوع لمده شهر عشان نشوف نتيجه وما نستعجلش  اي وصفه بنعملها منتسرعش عشان نشوف النتيجه 

في ناس ممكن لما تيجي استخدم البيكنج باودر تلاقي انها عندها حساسيه منه لكن البيكنج بودر بيعمل لسعه عند اي احد 

⁦♥️⁩⁦♥️⁩⁦♥️⁩⁦♥️⁩

تجربتي مع وصفة تطويل الشعر والله حاجه خيال

تجربتي مع وصفة تطويل الشعر والله حاجه خيال

السلام عليكم يا بنات ازيكم هكتبلكم الوصفه اللي جربتها والله مكنتش متوقعة شعري يبقا بالطول ده والله العظيم والحمد لله  وهي سهله جدا الوصفة دي وهي عبارة عن فلفل اخضر اعتقد انكم بتسموه كده عندنا بنسميه فليفلة المهم تجيبي الفلفل الاخضر وتقطعيه يعني نص كيلو كده او اكتر وبعدها تحطي عليهم زيت الزيتون ولو لاقيتي اصلي اوكي بيكون احسن من العادي وبعدها تغطيهم وتخليهم لمده 10 اياااااام وبعد العشرة ايام دي جيبيهم وصفيهم من بأيديكي او بالمصفاه اللي تستخدموها في تصفيه المعكرونة وبعدين حطي الخليط جذر شعرك مش على شعرك من فوق وخليه لمده 4 ساعات او اكتر انتي حرة وكل ماحطيتي مده اكتر استفدتي اكتر وبعدها اغسليه بالشامبوا ولو عايزة تستخدميها كل يوم هتشوفي النتيجه بسرررررررررررعة جدا ولو بتكسلي خلاص انتي ممكن تستخدميها بالاسبوع 3 او 4 مرات وان شاء الله شعرك هيبقا روعة والله ومش هتصدقي نفسك واستمري عليها لحد ماتقولي خلاااااااص مش عاوزة اطول من كده
---
انا مستعملتش الحراء خالص ومعرفش اذا كان كويس ولا لأ وانا مش مسؤله لو حطيتو فلفل حراء انا استعملت الرومي الاخضر وبجد مفيد اوي وكمان بيحتوي على فيتامين c وبالنسبة لسؤالكو عن كميه الزيت اللي هتحطوه انا كنت بحط علبة زيت الزيتون مع تلاته ارباع او نص كيلو فلفل

حصريا بالصور قبل وبعد لعلاج الهالات السوداء

 حصريا بالصور قبل وبعد لعلاج الهالات السوداء

الوصفه عاوزه منك بس نص ساعه يوميا
لو هتقدرى توفريها يبقى انسى الهالات السوداء مش هتقدرى

يبقى AS U LIKE


تيجوا نبدأ على طول
استغفروا الاول
استغفر الله العظيم واتوب اليه

بسم الله

زى ما انتوا شايفين كده مكوناتنا سهله جدا
جزرايه مسلوقه كويس خياره كبسولتين فيتامين E
ولبن بودره ولبن حليب عادى وزيت لوز حلو

اول حاجه هنهرس الجزره بالشوكه كويس اووووى تبقى زى الكريم

بعدها نبشر الخياره

ونعصر ميتها على الجزر اعتقد الميه واضحه

بعد كده نضيف كبسولتين الفيتامين

ونحط معلقه كبيره زيت لوز حلو ونقلبهم

ثانى خطوه هنجيب فنجان لبن حليب
ونضي عليه معلقتين كبار لبن بودره (ضرووووورى)

ونجيب قطنه ونبدأ نعمل كمادات على العين كلهااااااا

تعالوا نشوف بالصور افضل للايضاح

هنا العين فيها هالات من الدرجه الاولى يعنى مش جامده اوى

وصفتي لتطويل الشعر حتطولي شعرك في شهور ويوصل لأخر ضهرك بالصور

وصفتي لتطويل الشعر حتطولي شعرك في شهور ويوصل لأخر ضهرك  بالصور

فوائد الخلطة

بتطول الشعر جداً وفي فترة مش طويلة بأمر الله
بتنبت شعر جديد في المقدمة وحتلاحظيه وانتي بتسرحي شعرك وتلاقيه طالع لفوق من شعرك
ويتهيئلك انه هايش لكن لا ده شعر قصير جديد
بتتقل الشعر وبتمنع التساقط نهائياً وتقويه
عموما التوم معروف بفوايده للشعر والحواجب من زمان

نتيجة الوصفة حتلاحظيها بعد مرور حوالي 4 شهور حتلاقي شعرك بيطول وبيجري في الطول ان شاء الله ماتركزيش معاه بس وكل شوية تقيسيه في المراية او بإيدك

بسم الله نبدأ
المقادير
تومة كبيرة ( لو مفيش توم بلدي استخدمي الصيني مفيش مشكلة )
2 راس بصل
لو شعرك قبل كتفك وقصير خالص استخدمي نص الكمية يعني نص تومة على بصلاية
1/2 كوب ماء

(شعرك يكون ناشف لما تستعملي الخلطة ضروووري)
الغسيل عادي شامبوهك وبلسمك
عاوزة تحطي كريم زيت اي حاجة مفيش مشكلة بس دهان للتصفيف مش حمامات كريمات وزيوت
ممنوع استخدام اي خلطة بعد دي عشان فروتك ماتتعبش اديها مهلة ترتاح وكمان عشان تستفيدي من دي بقدر الامكان

صور المقادير

التوم مش بحالو
التوم متقطع
بنقطعه حتت صغيرة او وسط عشان يمشي ف الخلاط
وهكذا البصل حلقات وسطية

مقدار المية بالظبط اهو

الي حتستخدم نصف كمية التوم والبصل تقلل المية وتبقى ربع كوباية
خدوا بالكم من النقطة دي كويس عشان المية كترها بتسيحها على وشك وافاكي وبتبهدل الدنيا
يعني على قد مانقدر برده نستخدم كمية مناسبة يدوب بس تمشيها فالخلاط

هنا سقطت الخلطة ف الخلاط عادي أول حاجة

وبعدين نزلت عليها بالمية تمام
انا حطيتها مرة واحدة طلعت مني سايلة على بسيط
انتي حطيها واحدة واحدة لحد ماتحسي انها خلاص بتمشي ف الخلاط او الكبة وماتزوديش مية تاني

فتحت عليها الخلاط هنا اشوفها لاقيتها لسه مانعمتش

بقيت اطفي واولع عليها تاني لحد ماحسيت انها نعمت خلاص وبقت كدة والفرق واضح

ونخش ع الي بعده بقى

طريقه مجربه لزيادة الوزن

طريقه مجربه لزيادة الوزن 

نظام غذائى يساعد على زيادة الوزن من 2 إلى 3 كيلو جرام شهريا يقدمه د. مصطفى سارى أستاذ السمنة والتغذية ويمكن أن يصاحب النظام الغذائى كوب لبن مضاف إليه أربع من ملاعق اللبن البودرة مع أربع تمرات فهذا يساعد على زيادة الوزن شهريا اثنين كيلو أيضا
الإفطار:
مكون من رغيف بجانب طبق بيض بالبسطرمة مضافا إاليه ملعقتان زبدة مع شريحتين جبن رومى أو شيدر بالإضافة لملعقتين لبن بودرة مع ملعقتين عسل أبيض مع كوب لبن حليب مضاف إليه ملعقتان لبن بودرة وما بين الإفطار والغداء شريحتا حلوى
الغذا ء:
يمكن أن يكون رغيف أو مكرونة أو أرز مع نصف فرخه أو نصف كجم سمك أوربع كجم لحم مع ربع كجم بطاطس محمرة مع أربع
ملاعق سلطة مع طبق خضار مطبوخ باللحمة المفرومة مع ثمرتين فاكهة وما بين العشاء والغداء يمكن تناول شريحتا حلوى اوتناول كوب شاى بلبن مع قطعتى حلوى
العشاء:
لابد أن يكون مثل الغداء وقبل النوم كوب لبن كبير مع أربع ملاعق عسل أبيض ولبن بودرة

وعليكى والحلبه
فاتح شهيه قوى جداااااااااا
وهرمونات انوثه مركزه بتديكى كل الدورانات المطلوبه لجسمك

فى حاجه تانه مهمه

اجمع عليها اطباء تغذيه
تجيبى ربع سودانى بدون قشر وتكسريه خالص وتحطيه ببرطمان وزودى عليه عسل ابيض وممكن عسل اسود افضل عشان الحديد وفوايده واهمها يحمر الخدود
المهم الخلطه ديه تحبسى بيها بعد كل وجبه
وقبل النوم كوب حليب كبير كامل الدسم ومدوب فيه ملعقتين كبار نيدو وملعقه عسل نحل
واوزنى نفسك بعد اسبوع مش حتصدقى نفسك بامر الله