مبقاش عندي هالات نهائي

مبقاش عندي هالات نهائي

عملت حاجه ونفعت معايا ولو مقولتهاش لساني هيتشل😂اولا انا تحت عيني اسود من ابتدائي ودلوقتي بقيت اد البغله ف جامعه وجربت كميه كريمات وحاجات مش طبيعيه انها تفتح لا يمكن ف استسلمت للواقع المرير لان دكتور قالي تقريبا دي وراثه وستاخه تروح نهائي

قوم ايه بقي جيب خياره من اسبوع كده وعملتها شرايح رفيعه بقشاره البطاطس وحطيتها ف الفريز وكل يوم اصحي اغسل وشي وحطها تحت عيني ساعه اتنين وعادي بلعب ف الفون منا فاضيه بقي وبالليل نفسي النظام وساعات بيروح عليه نومه وصحي الاقيها لازقه لسه تحت عيني وناشفه😂😂ومش بغسل تحت عيني بعد مبشلها

ومن موقعي هذا ااكد لكم اني مبقاش عندي هالات نهائي 

 

بعمل مسكات بتساعدني ع التفتيح وشي حرفياً مبقاش فيه حبوب ولا بقع ولا غمقان ولا هالات قولو مشاء الله

المسكات انا بشرتي دهنيه مشاء الله سمنه ف وشي ومشيت مع كذا دكتور ومحصلش اي حاجه وكنت بجيب علاج ف الاسبوع ب١٠٠٠جنيه ومشيت سنه ومحصلش حاجه ف تعبت قررت ابدا بنفسي اول حاجه جبت صابونه نابولسي شاهين ومشت اوي مع بشرتي ب ٥جنيه من عند العطار

وبعدين بقيت اعمل حمام بخار كل شهر ف البيت وحط ف الميه قرفه وشرايح لمون لمده ربع ساعه وبعدين انشف وجيب ابره البثور وشيل الدهون وبعدين اعمل اسكراب معلقه بن ساده ومعلقه لبن وربع معلقه عسل ابيض ونص لمونه ودعك كويس لحد مينشف وسيبه ع وشي عشر دقايق كمان وغسله

الماسك الثانى 

تاني حاجه اعمل مسك تحف ي بنات معلقه بن ومعلقه زبادي وبيضه كامله كلها وحطه لحد مينشف وغسل

تالت مسك 

 بعمل خياره ف الخلاط مع شويا ميه ورد وبعدين اصفيه ودوب فيه معلقه نشا وحطه ع النار مع التقليب وسيبه لحد ميبرد وحطه وبعدين اغسله وفتح حبايه ڤتامينcع وشي مع عمل مساج ونام وصحي امشي تلج ع وشي ده كل شهر بس

وبعمل اسكراب القهوه ومعاه اي مسك من اللي قولتهم دول مرتين ف الاسبوع ف مسك حلو اوي ل تفتيح حبايه اسبرين الازرق ده ع معلقتين زبادي اطحنو الاسبرين الاول ده عادي يتحط كل يوم الحاجات دي بالنسبه للحبوب والمسام والواسعه وتقشير البشره اما بقي تقشيره البقع بستخدم الكريم ده ب ١١ ج بيحط ١٤يوم بس بيتحط ع بشره نضيفه ربع ساعه بس ف الضلمه وبعدين يتغسل ويترطب بعده باي كريم مرطب عندك وبلاش تطلعي بالنهار طول منتي بتقشري وشك

حابة انقل تجربتي مع الحبوب واثارها وازاى قدرت اتخلص منها نهائيا

              حابة انقل تجربتي مع الحبوب واثارها

"انا الموضوع بدأ معايا من زمان اعدادي وانا في الدوامه دي لحد من سنه تقريبا "

لان انا الموضوع دا بالنسبالي كان مشكله كبيرة الحقيقة و مكنش عندي ثقة في نفسي خالص + الناس كان كلامهم بطريقة غير مباشرة بيضايقني و بيحسسني اني مهمله مع اني كنت بروح لدكاتره كتير و في منطقتي وبره المنطقه وولفيت من الجيزة ل مدينه نصر للدقي للمعادي يعني مخلتش تقريباً دكتور في القاهره مرحتلوش 😂 وأخرج من عنده واجيب علاج بالهبل وكل مره ميقلش عن ٤٠٠ أو ٥٠٠ جنيه دا غير الكشف ومكنش بيعملي اي حاجه ومعظمها مضادات حيوية و كريمات تقشير وكريمات للحبوب

من سنه بالظبط كنت مع ماما عند عطار كبير وموثوق منه عندنا شوفت صابونه_نابلسي_شاهين اللي بزيت الزيتون دي وانا كان الغسول بتاعي خلص ف قررت اشتريها و اجربها بجمله اللي جربته يعني و بصراحه كان من حسن حظي اني جربتها .. و كان عندي ليسيون كدا كان من العلاج اللي موجود عندي اسمه اكنيمايسين و الاتنين تحفه بصراحه مع بعض الحبوب خفت خالص ولما بغسل وشي بالصابونه كان بيبقي ناعم و فتح عن الأول وطلعتلي الحبوب اللي كانت تحت الجلد ومش بتنشف وشي نهائي *انا كان من كتر العلاج وشي نشف اتحول من دهنيه لمختطله* و الليسيون كمان تحفه و الحبوب راحت خالص كنت بحطه ع الحبوب نفسها مش ع وشي كله كان بينشفها و بيخليها تروح من غير ما تسبب اثر .. الحاجات سعرها بسيط جدا وفعلا صدقت مقوله مش كل حاجه غاليه كويسه ومش كل حاجه رخيصه وحشه ،، حسيت ب أن الحبوب بتخف من اول اسبوع اقسم بالله انتظمت شهر و لقيت كل الحبوب راحت و مفيش حبوب بتطلع وكلها .. 

طريقة الاستخدام 

الاستخدام كان كالاتي بغسل وشي مره الصبح و مره بليل قبل النوم بالصابونه ولو خرجت يبقي بعد ما ارجع اغسل وشي و بحط الليسيون او المحلول دا بعد ما بغسل وشي ودا اللي مكتوب أنه مرتين في اليوم بس انا كنت بحط اكتر من كدا كل ما اتوضي مثلا احط منه لحد ما الحمدلله الحبوب خفت .. دلوقتي بقي برضه بغسل وشي بالصابونه مرتين أو تلاته لكن المحلول دا مرتين بعد ما بغسل وشي وخلاص و لما بتطلعي حبايه ومثلا عندي حاجه مهمه أو فرح بحط فيودسيدين كريم قبل ما انام مع الليسيون دا و تاني يوم بلاقيها راحت ..
وعلشان وشي ميتعودش ع الليسيون دا ببدل بينه وبين واحد كمان اسمه كيلنداسول دا برضه شغال وسعره برضه مش معدي ال ١٠ ج ..

مستحضرات التجميل الكويسه في مصر

السلااام عليكم
عاملين ايه يا بنااات ???
المهم انا موضوعي النهارده عن الميك اب و مستحضراااات التجميل عمومااااا ,, عايزين كل بنت تدخل تقووول ايه احسن انواع الميك اب اللي جربتهااا و بتتباع فين و اسعارها عشااان الكل يستفيد سواء كانت رخيصه او وسط او غاليه المهم تكووون مجربه و نتايجها حلووووه 
و طبعا كماان الحاجات اللي بتخص الشعرر زي الشامبو و البلسم و السيروم و الكريم و الزيت و حاجات البشرره من كريم و تونك و ماسك و سكراب اي حاجه اي حاجه المهم ان كلنا نفيييد بعض باي حاجه نتايجها حلوه و مضمونه هنا في مصر مع الاسعاار عشان كل واحده تشوف اللي يناسبهااا يلا يا بنات مستنياكو

دى بعض الاراء السابقه جمعتهلكم من اكثر من مكان للاستفاده شاركوها مع اصدقائكم وعلقوا بتجاربكم اسفل المقاله ....

--------------
عموما ان هقولك على غسول للوجه حلو اوى كتبتهولى دكتورة امراض جلدية مشهورة اوى فى مصر
اسمه
BIODREMA
--------------
و انا جربت الماسكرا بتاعت اماندا و عاجباني قوووووي مع اني رموشي قصيره نفسي يطولوا كنت سمعت عن حاجه اسمها mavala eye light double lash بس مش موجوده غير في السعوديه و بيقولو بتطول الرموش لو حد شافها في مصر يقووول
--------------

وضوع جميل جدا وعايزة اقولكم احلى ظلال عيون {borujeis}والسعر فى محلات بتبيعها 25 وفى 30جنيه وهو ظلال عيون جميل جدا وهو احلى واحد جربته

واحلى بودرة مائية {SUMMER CAKE} وهى ثلاث درجات كل واحدة حسب

--------------

بجد موضوع حلو اوى انا كان نفسى فيه من زمان وانشاء الله ادخل كل يوم اشوف المشاركات الجديده علشان استفيد وانا بصراحه ماليش خبره فى الماكياجات اوى بس بستعمل بودره اماندا وهى حلوه ومريحانى اوى وسعرها 14 جنيه بس مشكلتها العلبه
بس نفسى فى بودره عاديه مش مائيه تكون حلوه برده وكمان تكون بودريره شيك وفيها مرايه