حابة انقل تجربتي مع الحبوب واثارها وازاى قدرت اتخلص منها نهائيا

حابة انقل تجربتي مع الحبوب واثارها

"انا الموضوع بدأ معايا من زمان اعدادي وانا في الدوامه دي لحد من سنه تقريبا "

لان انا الموضوع دا بالنسبالي كان مشكله كبيرة الحقيقة و مكنش عندي ثقة في نفسي خالص + الناس كان كلامهم بطريقة غير مباشرة بيضايقني و بيحسسني اني مهمله مع اني كنت بروح لدكاتره كتير و في منطقتي وبره المنطقه وولفيت من الجيزة ل مدينه نصر للدقي للمعادي يعني مخلتش تقريباً دكتور في القاهره مرحتلوش 😂 وأخرج من عنده واجيب علاج بالهبل وكل مره ميقلش عن ٤٠٠ أو ٥٠٠ جنيه دا غير الكشف ومكنش بيعملي اي حاجه ومعظمها مضادات حيوية و كريمات تقشير وكريمات للحبوب

من سنه بالظبط كنت مع ماما عند عطار كبير وموثوق منه عندنا شوفت صابونه_نابلسي_شاهين اللي بزيت الزيتون دي وانا كان الغسول بتاعي خلص ف قررت اشتريها و اجربها بجمله اللي جربته يعني و بصراحه كان من حسن حظي اني جربتها .. و كان عندي ليسيون كدا كان من العلاج اللي موجود عندي اسمه اكنيمايسين و الاتنين تحفه بصراحه مع بعض الحبوب خفت خالص ولما بغسل وشي بالصابونه كان بيبقي ناعم و فتح عن الأول وطلعتلي الحبوب اللي كانت تحت الجلد ومش بتنشف وشي نهائي *انا كان من كتر العلاج وشي نشف اتحول من دهنيه لمختطله* و الليسيون كمان تحفه و الحبوب راحت خالص كنت بحطه ع الحبوب نفسها مش ع وشي كله كان بينشفها و بيخليها تروح من غير ما تسبب اثر .. الحاجات سعرها بسيط جدا وفعلا صدقت مقوله مش كل حاجه غاليه كويسه ومش كل حاجه رخيصه وحشه ،، حسيت ب أن الحبوب بتخف من اول اسبوع اقسم بالله انتظمت شهر و لقيت كل الحبوب راحت و مفيش حبوب بتطلع وكلها ..

طريقة الاستخدام

الاستخدام كان كالاتي بغسل وشي مره الصبح و مره بليل قبل النوم بالصابونه ولو خرجت يبقي بعد ما ارجع اغسل وشي و بحط الليسيون او المحلول دا بعد ما بغسل وشي ودا اللي مكتوب أنه مرتين في اليوم بس انا كنت بحط اكتر من كدا كل ما اتوضي مثلا احط منه لحد ما الحمدلله الحبوب خفت .. دلوقتي بقي برضه بغسل وشي بالصابونه مرتين أو تلاته لكن المحلول دا مرتين بعد ما بغسل وشي وخلاص و لما بتطلعي حبايه ومثلا عندي حاجه مهمه أو فرح بحط فيودسيدين كريم قبل ما انام مع الليسيون دا و تاني يوم بلاقيها راحت ..
وعلشان وشي ميتعودش ع الليسيون دا ببدل بينه وبين واحد كمان اسمه كيلنداسول دا برضه شغال وسعره برضه مش معدي ال ١٠ ج ..

بعض الاستفسارات واجاباتها

اعرف الصابونه اصليها ازاي ؟ بيكون لونها مش غامق اوي يعني مش زيتي لا أخضر كدا و بتكون كرتونه بتاعتنا لونها لون الكارتون

الفاتحه احلي ويعتبر ملهاش ريحه خالص الغامقه دي ريحتها بتحرق ف المناخير و زي الخره

الكلمات المفتاحية : اثار حبوب تجربتى حب الشباب وصفات مجربه w

حابة انقل تجربتي مع الحبوب واثارها وازاى قدرت اتخلص منها نهائيا

طريقة الاستخدام

بعض الاستفسارات واجاباتها

مواضيع ذات صلة