هخلصك من حبوب المنطقة الحساسة بعد السويت تعالى ورايا

هخلصك من حبوب المنطقة الحساسة بعد السويت تعالى ورايا

اكيد كلنا زهقنا من الحبوب فى المنطقة دى بالذات بعد السويت علشان بتبقى متعبة جداااااااااااااااا ومن كل النواحى المهم هقولك حاجتين تعمليهم اولا بتبيض المنطقة دى وبتمنع الحبوب انها تتكون وكمان بتمحى اثار الحبوب القديمة شفتى باة المهم تعالى ورايا اقولهملك


رقم واحد تجيبى اسبراى كحول ابيض من الصيدلية علشان يبقى ممون تقريبا اسمة كحول ايثيلى قوليلة اسبراى كحول ابيض وهو هيقوم بالواجب وترشى بعد السويت على طووووووووووووول وعلى فكرة المعلومة دى مش من عندى دة جراح كبير اوى هو الى قايلها لصحبتى لان اتكون عندها كيس دهنى فى منطقة حساسة فقلها بعد السويت ترشى اسبراى كحول لان مش عارف الجلد علية كام نوع من الجراثيم كدة ومش عارف بعد السويت المسام بتتفتح وتعمل اية واية مش قصتنا يعنى المهم نرشة اوك



تانى حاجة عليكى وجيل اكنى فرى بعد ما المنطقة تنشف من الكحول حطى الجيل وعلى فكرة فى منة كريم ومحلول بس انا مجربتش غير الجيل ومرة جبت الكريم بس لوشى وحطيت منة على الحباية لانة اصلا لحب الشباب عملى احمرار والتهاب لان المادة الفعالة اقوى من الجيل فالجيل حنين على البشررة ودة الى انا جربتة فمتاكدة منة خلينا فى المضمون والكيم بيقشر الجلد شوية ما تقلقيش لان عملية التقشير دى الى بتزيل اثار الحبوب وبتدى بياض لانها بتجدد طبقة الجلد

نصائح للتخلص من حبوب منطقة البكينى

نصائح للتخلص من حبوب منطقة البكينى

انا هتكلم النهاردة عن موضوع حبوب منطقة البكينى وتجربتى الشخصية فيها

انا كنت بعانى من سنين بحبوب ودمامل فى المنطقة دى بعد مابعمل الشعر بالسويت او بالبراون او الحلاقة  وكنت بحط فيوسيدين على طول بس كان المنظر اوووووفر حبوب و بقع سودا ... كنت اول مابشيل الشعر يطلع كده ومش بتروح مع انى الحمدلله نطيفة فى المكان ده

المهم كشفت اكتر من مرة استخدمت فيوسيدين ومضادات وكريمات ولا الهوااا كان الحال كما هو لحد ما فقدت الامل قلت خلاص ده حالى وحظ ابن الحلال بقى 

بس مامتى صممت انى اكشف اخر مرة وبعد الحااااح روحت لدكتورة وكتبت ليا علاج قلت طبعا كالعادة بس الحمدلله كانت المفاجاة ليا ان فعلا الحبوب راحت زى ماوعدتنى

اديتنى ::

مضاد اسمه فلوموكس 1000 كل 12 ساعة

كريم جينتازون مرتين

غسول سيتيال مرتين ومش مخفف

وقالت ليا بعض النصايح وده المهم لكل واحدة بتعانى من نفس المشكلة دى

اولا : لااااازم يكون الاندر قطن

ثانيا : لاااااااااااااازم لاااااااااااااااازم اغلى الاندر بعد التغير . وده بصراحة عمرى ما عملته . ليه بقى لان الميكروب مكان الحبوب بتتنقل بالاندر ومهما نغسل الميكروب بيفضل لازق ومتبت . علشان كده لازم يتغلى كويس

ثالثا : لاازم لازم يابنات نشيل الشعر اول ما يطلع مش نستنى عليه ابدا لان الميكروب بيلزق فى الشعراية و بيزود الحبوب . هتقولى طب ازاى لازم نصبر اسبوع على الأقل علشان نشيل بالسويت ؟؟؟ هقولك معلهش بقى مش لازم سويت فى المكان ده ممكن نستخدم البراون او الحلاقة زى مانبينا امرنا ، وتشيلى برااااحة علشان ماتجرحيش الحبوب واول ماتظهر كام شعراية شيلى يعنى لو عملتى النهاردة وطلع بكرة شيليه . ده نفس كلام الدكتورة

رابعا : يتشال الشعر فى اتجااااه واحد يعنى يا فتوكة اما تشيلى مع اتجاه الشعر او عكسه مش هنفضل رايحين جاين كأننا بنحرث ارض وده كنت بعمله رايحة جايه رايحة جايه . بس ده غلط

خامسا : اول مانشيل الشعر نحط سيتيال فى المنطقة مش مخفف بحته قطنه لحد مايرغى زى الصابون وبعدين نشطفه ونحط الكريم على طول

سادسا : ماينفعش نستخدم اى كريم تفتيح على الحبوب الا لما تروح خااالص ماااالص نعالج الاول بعدين نفتح

وكده تمام انا عملت الكلام ده لمدة اسبوع اقسم بالله راحت الحبوب كلها واللى فاضل كام واحدة وصغنانيييين اوى ولما روحت لها الاستشارة قالت اوقف المضاد واكمل الكريم كمان 3 ايام كمان لحد ماتختفى الحبوب خاااااالص ، وبعد كده هستخدمه بعد مااشيل الشعر بس مرتين كده . لكن الغسول مستمرة عليه على طوووول وكمان غلى الاندر .

وكده اول مهمة

المهمة التانية بقى هى تفتيح البقع مكان الحبوب

كتبت ليا على كريم تفتيح بس للامانه انا لسه هجربه واسمه

Apic white ابيك وايت

ودى تجربتى قلت افيد بها البنات واللى عنده اضافة يارررريت الكل يستفيد

ادعولى بقى ربنا يتمم شفائى وتتفتح المنطقة مكان الحبوب . وتبقى فلة

افضل واقي شمس للبشرة الجافة

افضل واقي شمس للبشرة الجافة عن تجربه 

فيتوكير vito care® كريم 60 جرام

يحتوى فيتوكير على تركيبة متطورة تعمل على تفتيح البشرة بفاعيلية و أمان.

يقلل من زياده تصبغ البشرة مثل البقع بنية اللون و النمش و الكلف و البقع البنية لدى كبار السن.

فيتوكير يحد من ظهور الخطوط الدقيقه و التجاعيد.

فيتوكير يقى من الأثار البيئية الضارة. كما يقوم بمحاربة الشيخوخة المبكرة.
فيتوكير مضاد للاكسدة.

فيتوكير يقوم بتخليق الكولاجين الذى يقلل من علامات تقدم السن.

فيتوكير يقلل من إفراز الميلانين.

فيتوكير يلطف البشرة الملتهبة ويحفزعملية تجديد الخلايا ويرطب حتى أشد أنواع البشرة جفافا.

فيتوكير مفيد جدا فى علاج علامات الشد و الخطوط البيضاء ويحفز تجديد الخلايا كما يقلل من طول وعمق بنية نسيج علامات الشد الموجودة ,كما يقوم بإصلاح إختلال لون الجلد.

فيتوكير يقوم بإصلاح خطوط الوجة والتجاعيد.

فيتوكير يحتوى على واقى طبيعى من أشعة الشمس.


الغرض الدوائى

يستعمل فيتوكير فى التفتيح التدريجى لجميع حالات زيادة تصبغ البشرة مثل:
بقع الشمس- النمش- الكلف- علامات حب الشباب- الندبات القديمة - كما يستعمل كمفتح عام للبشره وفى معالجة المناطق الغير مرغوب فيها من فرط التصبغ.

يستعمل فيتو كير لتفتيح الوجه والعنق واليدين و كامل الجسد.

تركيبة مناسبة لكل أنواع البشرة، وللرجال والنساء على حدٍ سواء.


طريقة الاستعمال

جففى بشرتك برفق بعد غسلها، ثم قومي بتدليك الكريم بشكل متناسق على كامل الوجه مع تجنّب محيط العينين إلى أن تمتصّه البشرة بشكل تام.

يجب وضع طبقة رقيقة على المناطق المراد تفتيحها مرتين على الأقل يوميا )صباحاً ومساءً(

يراعى إستخدام فيتوكير قبل التعرض لأشعة الشمس ب 15 دقيقه على الاقل.

يبداأ ظهور نتائج ملحوظه من 2-8 أسابيع من الإستعمال اليومى.

عند الحصول على مفعول التفتيح المرجوّ، تابعي إستخدام الكريم بشكل دوري من مرّتين إلى أربع في الأسبوع من أجل الحفاظ على النتائج.

لا حاجة إلى وضع حاجب شمس أثناء النهار أو كريم ليل فى المساء أو إلى أى كريم مرطب حيث أن كريم فيتوكير يغنى عن كل ذلك 

وصفه النهارده لعلاج حبوب البشره لكن مش حب الشبااااااب

وصفه النهارده لعلاج حبوب البشره لكن مش حب الشبااااااب

نبدأ بسم الله المكونات سهله اوى

اول حاجه هنجيب ميه ورد

ونجيب باكيت نعناع

وليمون

ونشا وبياض بيضه

الخطوات 

1- هنجيب وعاء استانلس ونحط فيه 4معالق ميه ورد وعصير نص ليمونه وباكيت النعناع

2- بعد كده نحط معلقتين النشا

3- وبياض البيضه

4- ونقلبهم بفرشه كويس

5-هتخلطيهم وتحطيهم فى التلاجه فى برطمان محكم هنستعملهم مرتين اسبوعيا

تعالوا نشوف ازاى الطريقه

1- بفرشه هتبدأى تاخدى من الخلطه بتاعنا وتوزعى كويس اوى على الوجه وركزى على اماكن الحبوب

2- بعد نص ساعه تقريبا هتلاقوا البشره بدأ يظهر فيها زى تشققات ودى نتيجه بياض البيض والنشا لانهم بيشدوا البشره جدا حتى تكادى تكونى مش
هتعرفى تتكلمى من الشد

3- بعد كده تبدأى تفركى البشره كويس فى اتجاه دائرى بس بالراحه
4- وتغسلى وشك بميه فاتره

-------------------

الماسك ده بيقاوم التجاعيد وبيفتح وبيشد البشره
اتمنى تجربوه ويعجبكم

ومش عاوزه غير دعوه بالستر وصلاح الحال وحسن الخاتمه
ولكى بمثل ما دعيتى ان شاء الله

حابة انقل تجربتي مع الحبوب واثارها وازاى قدرت اتخلص منها نهائيا

              حابة انقل تجربتي مع الحبوب واثارها

"انا الموضوع بدأ معايا من زمان اعدادي وانا في الدوامه دي لحد من سنه تقريبا "

لان انا الموضوع دا بالنسبالي كان مشكله كبيرة الحقيقة و مكنش عندي ثقة في نفسي خالص + الناس كان كلامهم بطريقة غير مباشرة بيضايقني و بيحسسني اني مهمله مع اني كنت بروح لدكاتره كتير و في منطقتي وبره المنطقه وولفيت من الجيزة ل مدينه نصر للدقي للمعادي يعني مخلتش تقريباً دكتور في القاهره مرحتلوش 😂 وأخرج من عنده واجيب علاج بالهبل وكل مره ميقلش عن ٤٠٠ أو ٥٠٠ جنيه دا غير الكشف ومكنش بيعملي اي حاجه ومعظمها مضادات حيوية و كريمات تقشير وكريمات للحبوب

من سنه بالظبط كنت مع ماما عند عطار كبير وموثوق منه عندنا شوفت صابونه_نابلسي_شاهين اللي بزيت الزيتون دي وانا كان الغسول بتاعي خلص ف قررت اشتريها و اجربها بجمله اللي جربته يعني و بصراحه كان من حسن حظي اني جربتها .. و كان عندي ليسيون كدا كان من العلاج اللي موجود عندي اسمه اكنيمايسين و الاتنين تحفه بصراحه مع بعض الحبوب خفت خالص ولما بغسل وشي بالصابونه كان بيبقي ناعم و فتح عن الأول وطلعتلي الحبوب اللي كانت تحت الجلد ومش بتنشف وشي نهائي *انا كان من كتر العلاج وشي نشف اتحول من دهنيه لمختطله* و الليسيون كمان تحفه و الحبوب راحت خالص كنت بحطه ع الحبوب نفسها مش ع وشي كله كان بينشفها و بيخليها تروح من غير ما تسبب اثر .. الحاجات سعرها بسيط جدا وفعلا صدقت مقوله مش كل حاجه غاليه كويسه ومش كل حاجه رخيصه وحشه ،، حسيت ب أن الحبوب بتخف من اول اسبوع اقسم بالله انتظمت شهر و لقيت كل الحبوب راحت و مفيش حبوب بتطلع وكلها .. 

طريقة الاستخدام 

الاستخدام كان كالاتي بغسل وشي مره الصبح و مره بليل قبل النوم بالصابونه ولو خرجت يبقي بعد ما ارجع اغسل وشي و بحط الليسيون او المحلول دا بعد ما بغسل وشي ودا اللي مكتوب أنه مرتين في اليوم بس انا كنت بحط اكتر من كدا كل ما اتوضي مثلا احط منه لحد ما الحمدلله الحبوب خفت .. دلوقتي بقي برضه بغسل وشي بالصابونه مرتين أو تلاته لكن المحلول دا مرتين بعد ما بغسل وشي وخلاص و لما بتطلعي حبايه ومثلا عندي حاجه مهمه أو فرح بحط فيودسيدين كريم قبل ما انام مع الليسيون دا و تاني يوم بلاقيها راحت ..
وعلشان وشي ميتعودش ع الليسيون دا ببدل بينه وبين واحد كمان اسمه كيلنداسول دا برضه شغال وسعره برضه مش معدي ال ١٠ ج ..

قناع الموز لمقاومة التجاعيد

قناع الموز لمقاومة التجاعيد

الموز من الفواكه الغنية بالفيتامينات مما يجعله من أفضل الاغذيه لصحة البشرة والشعر ويستخدم

عصيره كدهان لليدين فيكسبها النعومة والحيوية

المكونات :

- ثمره موز واحده

- 2- 3 ملاعق كبيرة حليب .

الطريقة الاستعمال :

تهرس ثمره الموز وتخلط مع الحليب ثم توزع على البشرة مع التركيز على أماكن

التجاعيد ويترك لمده 15 دقيقه ثم يشطف بالماء الفاتر .

قناع الشعير للبشرة المجهدة

قناع الشعير للبشرة المجهدة

المكونات :

- 2 ملعقة كبيرة من الشعيرالمطحون .

- 2 ملعقة صغيرة من مفروم أورق النعناع الطازج .

- 2 ملعقة كبيرة من عسل النحل .

- 2-3 ملعقة كبيرة من الحليب .

الطريقة والاستعمال :

يقلب الشعير والعسل مع النعناع باستخدام الشوكة ثم يضاف الحليب للخليط لصنع عجينة لينة متماسكة ويوضع القناع على البشرة لمده ثلاثين دقيقه ثم يشطف الوجه بالماء البارد ،هذا القناع يفيد المراة التى تتعرض للإجهاد ومشقة العمل ، حيث يعمل على تنشيط الدورة الموية بالبشرة .

طريقة حمام بخار الوجه

طريقة حمام بخار الوجه

1- ربط الشعر إلى الخلف .

2- تنظيف البشرة من أثار المكياج بالحليب الخاص للتنظيف .

3- التنظيف بطريقة صحيحة ودائرية ويشمل تنظيف الرقبة .

4- يشطف الوجه بالماء .

5- ضعي وجهك في جهازالبخار لفتح المسام لمدة عشر دقائق مع وضع فوطة فوق الرأس حتى تستفيدي من البخار قدر المستطاع .

6- اشطفي الوجه بسرعة وهو حار بماء بارد جداً لغلق المسام.

7- ضعي قناع ماسك على الوجه مناسب لمدة عشر دقائق .

8- تنظيف الوجه بالماء وتركة بدون مرطب لمدة ساعة بعد ذلك ضعي المرطب الخاص بك .

ماسك لنضارة البشره

ماسك لنضارة البشره

المكونات :
2ملعقة صغيرة زبادى .
2ملعقة عصير برتقال .
1ملعقه زيت لوز .
الطريقة :
تضاف جميع المكونات لبعضها وتخلط جيدا .
الاستعمال :

يوضع على الوجه ويترك حتى يجف ثم يغسل بالماء الفاتر ؛ ( يصلح لجميع أنواع البشرة )

عجينة اللوز لتبييض البشرة والتخلص من البقع

عجينة اللوز لتبييض البشرة والتخلص من البقع

المكونات :

- 3حبات لوز.
- بيضة واحدة.
- 1ملعقة صغيرة من عصير الليمون.

التحضير والاستعمال :

يقشر اللوز وينقع فى الماء ثم يطحن لصنع عجينة ويضاف للعجينة عصير الليمون بعد خلطه ببياض البيضة ؛ توضع طبقة من العجينة على مكان البقع؛ ثم يشطف بعد 15 دقيقة بماء فاتر ثم ماء بارد ؛ يكرر ذلك يوميا.

وصفة تخلي خدودك وردي (انا جربتها)

وصفة تخلي خدودك وردي (انا جربتها)

السلام عليكم ورحمة الله وبركاته

وبإختصار شديد دايما وجهي اصفر

المهم ... وبدون لت وعجن زياده
كنت دايما استعمل منتجات الميك اب اللي تخلي الخدود احمر ... حتى جوزي كان يقولي ايه الخدود الحمرا دي ... اقله دا ميك اب

يقولي : ايوه يعني خدود اصطناعي

حد ما جبت كبسولات فيتامين E  ودهنت الزيت اللي فيها على وجهي
وانا صراحه جبتها علشان مفيد وبيغذي البشره

بس من تالت يوم استعمال بدئت الاحظ ان خدودي وردي

ياااااااه معقووووله !!

بس مكنتش متأكده انه السبب هيه الكبسولات دي !!
رحت وصفت الوصفه دي لبنتين اعرفهم وفعلا لما شفتهم لقيت خدودهم وردي .. والبنات وصفو الوصفه لاخواتهم وكمان لاحظوا انه خدودهم بقت وردي

علشان كده بعد ما اتاكدت من النتيجه قلت اجي واقول

اه ... وكمان جوزي بقى يشوف خدودي وردي فبيسألني: ايه الخدود دي اصطناعي؟؟ ... فبقوله : لاااااااا دي طبيعي ميه بالميه هههههههههههه

بالنسبة للكبسولات مش مهم ايه الاسم ... لانه في شركات كتيره بتصنع الكبسولات دي ... بس كلها عباره عن فيتامين E
ما عليكي الا تروحي للصيدليه وتشتري كبسولات فيتامين اي

وتروحي تفتحي الكبسوله بالدبوس وتعصري الزيت اللي فيها وتدهني وجهك بيه
ولو حسيتي انه كده كتير زيتي اخلطي الزيت بكريم مرطب للوجة
انا مثلا خلطت الزيت مع كريم جونسون المرطب دا

طبعا معروف انه فيتامين اي بيأخر بوادر الشيخوخه وبيخلي الوجه منور ..... وطبعا الخدود وردي 
تدهني قبل النوم فقط ... واوعي تطلعي بالشمس وانتي حاطه الزيت احسن بشرتك تتحرق لا سمح الله

لو عجبتك الوصفه ادعيلي دعوة حلوه

وصفة مضمونة لتفتيح الابط يا بنات

وصفة مضمونة لتفتيح الابط يا بنات

مكونات بسيطه جدا و موجوده في اي بيت

 الكركم 

النشا

بيكنج باودر

ليمون

الاستخدام :

 اول حاجه هنعملها هنجيب طبق في البيكنج باودر ونجيب ليمونه كبيرة علشان نقدر نتحكم فيها كويس هنقطع من الليمونه حتة الليمونة هنغمسها فى البيكنج باودر و نصر من الليمون حاجه بسيطه على البيكنج باودر وبعدين ناخد الليمون و نعمل حركات دائريه على المنطقة ..... بعدين نغسل المنطقه دي كويس 

ثاني حاجه هنجيب طبق فيه الكركم والنشا ونخلطهم مع بعض و ناخد نفس الليمونه اللي كان فيها بقايا البيكنج باودر و هنعصرها كلها على النشا والكركم وبرده نحطها على المنطقه ونغسل بعدها 

ملحوظة : علشان الوصفه دي تنجح لازم نعملها مرتين ثلاثه في الاسبوع لمده شهر عشان نشوف نتيجه وما نستعجلش  اي وصفه بنعملها منتسرعش عشان نشوف النتيجه 

في ناس ممكن لما تيجي استخدم البيكنج باودر تلاقي انها عندها حساسيه منه لكن البيكنج بودر بيعمل لسعه عند اي احد 

⁦♥️⁩⁦♥️⁩⁦♥️⁩⁦♥️⁩

تجربتي مع وصفة تطويل الشعر والله حاجه خيال

تجربتي مع وصفة تطويل الشعر والله حاجه خيال

السلام عليكم يا بنات ازيكم هكتبلكم الوصفه اللي جربتها والله مكنتش متوقعة شعري يبقا بالطول ده والله العظيم والحمد لله  وهي سهله جدا الوصفة دي وهي عبارة عن فلفل اخضر اعتقد انكم بتسموه كده عندنا بنسميه فليفلة المهم تجيبي الفلفل الاخضر وتقطعيه يعني نص كيلو كده او اكتر وبعدها تحطي عليهم زيت الزيتون ولو لاقيتي اصلي اوكي بيكون احسن من العادي وبعدها تغطيهم وتخليهم لمده 10 اياااااام وبعد العشرة ايام دي جيبيهم وصفيهم من بأيديكي او بالمصفاه اللي تستخدموها في تصفيه المعكرونة وبعدين حطي الخليط جذر شعرك مش على شعرك من فوق وخليه لمده 4 ساعات او اكتر انتي حرة وكل ماحطيتي مده اكتر استفدتي اكتر وبعدها اغسليه بالشامبوا ولو عايزة تستخدميها كل يوم هتشوفي النتيجه بسرررررررررررعة جدا ولو بتكسلي خلاص انتي ممكن تستخدميها بالاسبوع 3 او 4 مرات وان شاء الله شعرك هيبقا روعة والله ومش هتصدقي نفسك واستمري عليها لحد ماتقولي خلاااااااص مش عاوزة اطول من كده
---
انا مستعملتش الحراء خالص ومعرفش اذا كان كويس ولا لأ وانا مش مسؤله لو حطيتو فلفل حراء انا استعملت الرومي الاخضر وبجد مفيد اوي وكمان بيحتوي على فيتامين c وبالنسبة لسؤالكو عن كميه الزيت اللي هتحطوه انا كنت بحط علبة زيت الزيتون مع تلاته ارباع او نص كيلو فلفل

حصريا بالصور قبل وبعد لعلاج الهالات السوداء

 حصريا بالصور قبل وبعد لعلاج الهالات السوداء

الوصفه عاوزه منك بس نص ساعه يوميا
لو هتقدرى توفريها يبقى انسى الهالات السوداء مش هتقدرى

يبقى AS U LIKE


تيجوا نبدأ على طول
استغفروا الاول
استغفر الله العظيم واتوب اليه

بسم الله

زى ما انتوا شايفين كده مكوناتنا سهله جدا
جزرايه مسلوقه كويس خياره كبسولتين فيتامين E
ولبن بودره ولبن حليب عادى وزيت لوز حلو

اول حاجه هنهرس الجزره بالشوكه كويس اووووى تبقى زى الكريم

بعدها نبشر الخياره

ونعصر ميتها على الجزر اعتقد الميه واضحه

بعد كده نضيف كبسولتين الفيتامين

ونحط معلقه كبيره زيت لوز حلو ونقلبهم

ثانى خطوه هنجيب فنجان لبن حليب
ونضي عليه معلقتين كبار لبن بودره (ضرووووورى)

ونجيب قطنه ونبدأ نعمل كمادات على العين كلهااااااا

تعالوا نشوف بالصور افضل للايضاح

هنا العين فيها هالات من الدرجه الاولى يعنى مش جامده اوى

اعملى غسول لبشرتك بالصور مع ♥رانيا♥.. بجد بجد هتحسى بالفرق عن اى حد

اعملى غسول لبشرتك بالصور مع ♥رانيا♥.. بجد بجد هتحسى بالفرق عن اى حد

السلام عليكم ورحمه الله

مين مننا مش بيتعمل الغسول

 وصفه حلوه هتخلى البشره من جمالها ترقص من الفرحه

تعالوا نبدأ احسن

الخطوات 

هاتى زجاجه فاضيه

حطى فيها كيسين نشا من الحجم ده

لحد ما الازازه تتملى لحد هنا اظن واضح اوى النسبه

وصفتي لتطويل الشعر حتطولي شعرك في شهور ويوصل لأخر ضهرك بالصور

وصفتي لتطويل الشعر حتطولي شعرك في شهور ويوصل لأخر ضهرك  بالصور

فوائد الخلطة

بتطول الشعر جداً وفي فترة مش طويلة بأمر الله
بتنبت شعر جديد في المقدمة وحتلاحظيه وانتي بتسرحي شعرك وتلاقيه طالع لفوق من شعرك
ويتهيئلك انه هايش لكن لا ده شعر قصير جديد
بتتقل الشعر وبتمنع التساقط نهائياً وتقويه
عموما التوم معروف بفوايده للشعر والحواجب من زمان

نتيجة الوصفة حتلاحظيها بعد مرور حوالي 4 شهور حتلاقي شعرك بيطول وبيجري في الطول ان شاء الله ماتركزيش معاه بس وكل شوية تقيسيه في المراية او بإيدك

بسم الله نبدأ
المقادير
تومة كبيرة ( لو مفيش توم بلدي استخدمي الصيني مفيش مشكلة )
2 راس بصل
لو شعرك قبل كتفك وقصير خالص استخدمي نص الكمية يعني نص تومة على بصلاية
1/2 كوب ماء

(شعرك يكون ناشف لما تستعملي الخلطة ضروووري)
الغسيل عادي شامبوهك وبلسمك
عاوزة تحطي كريم زيت اي حاجة مفيش مشكلة بس دهان للتصفيف مش حمامات كريمات وزيوت
ممنوع استخدام اي خلطة بعد دي عشان فروتك ماتتعبش اديها مهلة ترتاح وكمان عشان تستفيدي من دي بقدر الامكان

صور المقادير

التوم مش بحالو
التوم متقطع
بنقطعه حتت صغيرة او وسط عشان يمشي ف الخلاط
وهكذا البصل حلقات وسطية

مقدار المية بالظبط اهو

الي حتستخدم نصف كمية التوم والبصل تقلل المية وتبقى ربع كوباية
خدوا بالكم من النقطة دي كويس عشان المية كترها بتسيحها على وشك وافاكي وبتبهدل الدنيا
يعني على قد مانقدر برده نستخدم كمية مناسبة يدوب بس تمشيها فالخلاط

هنا سقطت الخلطة ف الخلاط عادي أول حاجة

وبعدين نزلت عليها بالمية تمام
انا حطيتها مرة واحدة طلعت مني سايلة على بسيط
انتي حطيها واحدة واحدة لحد ماتحسي انها خلاص بتمشي ف الخلاط او الكبة وماتزوديش مية تاني

فتحت عليها الخلاط هنا اشوفها لاقيتها لسه مانعمتش

بقيت اطفي واولع عليها تاني لحد ماحسيت انها نعمت خلاص وبقت كدة والفرق واضح

ونخش ع الي بعده بقى