مبقاش عندي هالات نهائي

عملت حاجه ونفعت معايا ولو مقولتهاش لساني هيتشل😂اولا انا تحت عيني اسود من ابتدائي ودلوقتي بقيت اد البغله ف جامعه وجربت كميه كريمات وحاجات مش طبيعيه انها تفتح لا يمكن ف استسلمت للواقع المرير لان دكتور قالي تقريبا دي وراثه وستاخه تروح نهائي

قوم ايه بقي جيب خياره من اسبوع كده وعملتها شرايح رفيعه بقشاره البطاطس وحطيتها ف الفريز وكل يوم اصحي اغسل وشي وحطها تحت عيني ساعه اتنين وعادي بلعب ف الفون منا فاضيه بقي وبالليل نفسي النظام وساعات بيروح عليه نومه وصحي الاقيها لازقه لسه تحت عيني وناشفه😂😂ومش بغسل تحت عيني بعد مبشلها

ومن موقعي هذا ااكد لكم اني مبقاش عندي هالات نهائي

بعمل مسكات بتساعدني ع التفتيح وشي حرفياً مبقاش فيه حبوب ولا بقع ولا غمقان ولا هالات قولو مشاء الله

المسكات انا بشرتي دهنيه مشاء الله سمنه ف وشي ومشيت مع كذا دكتور ومحصلش اي حاجه وكنت بجيب علاج ف الاسبوع ب١٠٠٠جنيه ومشيت سنه ومحصلش حاجه ف تعبت قررت ابدا بنفسي اول حاجه جبت صابونه نابولسي شاهين ومشت اوي مع بشرتي ب ٥جنيه من عند العطار

وبعدين بقيت اعمل حمام بخار كل شهر ف البيت وحط ف الميه قرفه وشرايح لمون لمده ربع ساعه وبعدين انشف وجيب ابره البثور وشيل الدهون وبعدين اعمل اسكراب معلقه بن ساده ومعلقه لبن وربع معلقه عسل ابيض ونص لمونه ودعك كويس لحد مينشف وسيبه ع وشي عشر دقايق كمان وغسله

الماسك الثانى

تاني حاجه اعمل مسك تحف ي بنات معلقه بن ومعلقه زبادي وبيضه كامله كلها وحطه لحد مينشف وغسل

تالت مسك

بعمل خياره ف الخلاط مع شويا ميه ورد وبعدين اصفيه ودوب فيه معلقه نشا وحطه ع النار مع التقليب وسيبه لحد ميبرد وحطه وبعدين اغسله وفتح حبايه ڤتامينcع وشي مع عمل مساج ونام وصحي امشي تلج ع وشي ده كل شهر بس

وبعمل اسكراب القهوه ومعاه اي مسك من اللي قولتهم دول مرتين ف الاسبوع ف مسك حلو اوي ل تفتيح حبايه اسبرين الازرق ده ع معلقتين زبادي اطحنو الاسبرين الاول ده عادي يتحط كل يوم الحاجات دي بالنسبه للحبوب والمسام والواسعه وتقشير البشره اما بقي تقشيره البقع بستخدم الكريم ده ب ١١ ج بيحط ١٤يوم بس بيتحط ع بشره نضيفه ربع ساعه بس ف الضلمه وبعدين يتغسل ويترطب بعده باي كريم مرطب عندك وبلاش تطلعي بالنهار طول منتي بتقشري وشك

الهالات السوداء, مبقاش عندي هالات نهائي, تجربتى, وصفات مجربه, وصفه مضمونه,

اقول ع حاجه لتطويل الشعر وحاجه تفردو وتخليه سايح وتشيل القشره وبتقلو كمان

الزر احلي واسرع حاجه ل تطويل الشعر بقالي شهرين بستخدمه شعري طول وتقل والفراغات اتملت شعر الحمدلله اولا بتجيبي كوبايه رز وتحطي عليهم كوبايتين ميه وتنقعيهم يوم كامل وتصفيه وتحطيه ف بخاخه لحد كده تمام تقومي تغسلي شعرك كويس بالشامبو وتنشفيه وبعدين تحطي بالبخاخه ع فروه الراس والشعر والاطراف وتغرقيه وتعملي مساج عشر دقايق وتلميه بتوكه ونامي وصحي اشطفي شعرك بالشامبو وتحطي بقي كريم الشعر بتاعك او السيرم او الزيت اللي بتستخدميه انا بحط فزلين ع شعري عشان كان هايش ومقصف بقي كويس وناعم اوي ومفرود بيتحط ع الشعر كله معدا فروه الراس وع فكره الرز بيشيل القشره وبيخلي الشعرايه قويه ومتينه جدا وبتلمع كده وناعمه ميه الرز بتتحط٣ايام ف الاسبوع

هبقي انز ل بوست تاني للجسم بقي وتركبيه التفتيح والنضاره بتاعتي ادعولي بحاجه واخده ان ربنا يثبتني ع الصلاه اتمني اكون افدتكو

الكلمات المفتاحية : الرز لتطويل الشعر الهالات السوداء تجربتى مبقاش عندي هالات نهائي وصفات مجربه وصفه مضمونه

مبقاش عندي هالات نهائي