حل اجابة سؤال الدرس الاول

السؤال :

ايه اصعب نوع بشرة وطريقة التعامل معاها ؟؟؟

حل السؤال

البشرة المختلطة
التنظيف
لوسيون خفيف ومساحات
البقع الحادة بمنظف طبى سائل

انعاش البشرة
تونر عنصر اساسى
فيه الكحول

الترطيب
كريم خفيف غير دهنى بعامل
حماية ولا يسد المسات

بالنسبة لباقى الاجابات كانت للبشرة الحساسة وهى فعلا صعبة بس مش اصعب لأن ليها منتجات خاصة
انما البشرة المختلطة ملهاش منتجات متخصصة الا نادرا

كورس تعلم المكياج مع رانيا ( الدرس الاول )

كورس تعلم المكياج  مع رانيا  ( الدرس الاول )

الدرس الاول

معرفة نوع بشرتك وكيفية التعامل معاها

نوع البشرة

اولا طبعا عشان نحط ميكب ويطلع حلو وسليم لازم نهتم ببشرتنا

وعشان نهتم ببشرتنا لازم نعرف نوع بشرتنا ايه عشان نجيب المنتجات الصح وبشرتنا ماتبوظش

حاعمل دلوقتى تفصيل لكل نوع بشرة وكيفية العناية بيها

1- البشرة العادية ا
مظهرها صافية ونسيجها متساوى
ملمسها لين وناعم
مشكلاتها بتنتشر فيها البقع احيانا حول الذقن
والانف ومساحات جافة بتظهر من عدم التنظيف
والترطيب



التنظيف
استعمال منظف كريمى
سائل رقيق


انعاش البشرة
تونر بكحول او بدون
او ماء ورد



الترطيب
كريم خفيف مع عامل حماية
من الشمس


2- البشرة الجافة
مظهرها رهيفة خفيفة مسامتها دقيقة
ملمسها مشدود بعد التنظيف
مشكلاتها تظهر فيها الخطوط اسرع من
اى بشرة اخرى ويمكن تكوين قشور


التنظيف
كريم منظف سائل دسم
يعنى سميك غير معطر
يشطف بالماء او بالقطنة


انعاش البشرة
تونر خالى من
الكحول او ممكن ماء ورد

الترطيب
كريم مغذى مع عامل حماية


3- البشرة الدهنية الجافة (المختلطة )
مظهرها دهنى لامع المختلطة الدهنى
حول الانف والذقن
ملمسها غير مستو وخشن
مشكلاتها ميالة لظهور البقع والبثور
السودا ومسامها مفتوحة
المختلطة تظهر فيها مساحات جافة
على الخدين بالاضافة لظهور بقع







التنظيف
لوسيون خفيف ومساحات
البقع الحادة بمنظف طبى سائل

انعاش البشرة
تونر عنصر اساسى
فيه الكحول

الترطيب
كريم خفيف غير دهنى بعامل
حماية ولا يسد المسام


4-البشرة الحساسة
مظهرها صافية ولكن بتبقى حمرا
ومبقعة بسهولة
ملمسها ساخنة ومتوهجة وتهتاج
بسهولة
مشكلاتها تظهر فيها رد الفعل بسرعة
عند لمسها او استعمال مسبب
حساسية


التنظيف
تجنبى استعمال الصابون
واستعملى منظف لا يسبب
الحساسية او مكتوب عليه للبشرة الحساسة



انعاش البشرة
تونر خالى من الكحول

الترطيب
كريم للبشرة الحساسة بعامل حماية عالى

دعونا نلقي نظرة على كيفية تحديد نوع بشرتكلإجراء اختبار تحديد نوع البشرة، ابدئي بغسل وجهك بالماء ثم تجفيفه وبعد مرور نصف ساعة أو ساعة من الوقت، عليك ملاحظة التالي من خلال مسح وجهك بمنديل ورقي:بشرة دهنية: وجود آثار الدهون على المنديل في كل منطقة من المناطق الأربعة "الأنف، الجبهة، الذقن والخدين" .- بشرة مختلطة: وجود آثار الدهون في بعض المناطق.- بشرة عادية: لا يوجد آثار دهون في أي منطقة.- بشرة جافة: لا يوجد آثار دهون وهناك بعض آثار تقشر للبشرة في المنديل

......................

السؤال :

ايه اصعب نوع بشرة وطريقة التعامل معاها ؟؟؟

كورس تعلم المكياج مع رانيا ( المقدمه )

كورس (تعلم المكياج مع رانيا) 

فى البدايه 

احب اعرفكوا بنفسى انا اسمى رانيا وباحب كل انواع الفنون الموسيقى والرسم والالوان يعنى باحب كل حاجة فيها ابداع والمكياج نوع من انواع الفنون وانا باسميه فن الجمال

لأن كل واحدة فينا جميلة يعنى مثلا فيه واحدة عينيها جميلة وواحدة حواجبها جميلة

واحدة وشها حلوة واحدة رسمة عينيها حلوة وهكذا

مهمة المكياج هو اظهار مواطن الجمال فى كل واحدة

واهم حاجة فى الفن ده هو عدم تغيير الشكل انما ابراز مظهر الجمال

بالنسبة للاتجاه السائد دلوقتى هو الطبيعى يعنى كان زمان نلاقى الوان كتير انما دلوقتى بيبقى خفيف

ومائل للون الطبيعى ولكن بشكل رقيق وصحى

وده اللى حنتعلمه الاول اننا ازاى نحط مكياج ويبان طبيعى وده هو الفن

مع اننا حنحط كل حاجة بس فى الاخر حيبان كأننا مش حاطين


وعلى فكرة ده صعب بس ان شاء الله حيبقى سهل معايا

وطبعا حيبقى في صور من عندى على عينيا كتطبيق وشرح

وفى اخر كل درس برضه حيبقى فيه حاجة اسمها BEAUTY TIPS او تكنيك خاص بسيط حيفرق فى اللوك

واى اسئلة منكوا تبقى اسفل كل بوست ...